चैत्र ५, शुद्दोधन

रुपन्देहीको शुद्धोधन नगरपालिका स्थित ३ रमवापुरमा रहेको यज्ञोदय दुधनाथ थारु बहुमुखी क्याम्पसको स्वतन्त्र विद्यार्थी युनियनको निर्वाचनमा नेपाल विद्यार्थी संघ (नेविसंघ)ले विजय हासिल गरेको छ। नेविसंघबाट आदेश राना नेतृत्वमा प्यानल नै निर्वाचित भएको छ।

क्याम्पसका निर्वाचन अधिकृत भिम प्रसाद सापकोटाका अनुसार, आदेश राना ३१५ मत ल्याएर विजयी भएका छन्। उनका प्रतिस्पर्धी संयुक्त प्यानलका अन्जिता चौधरीले १४४ मत ल्याएर पराजय भइन्। यसै गरि सचिव पदमा रम्भा थारुले ३०१ मत प्राप्त गरेर विजय हासिल गरेकी छन्। उनका प्रतिस्पर्धी, संयुक्त प्यानलबाट अजय मिश्र १५७ मत प्राप्त गर्दै पराजित भए। कोषाध्यक्षको पदमा माधव कुमार कडेल ३०३ मत ल्याएर निर्वाचित भए। उनको निकटतम प्रतिद्वन्द्वी हसिबुन निशाले १५० मत ल्याएपछि पराजित भए।

क्याम्पसमा खुल्ला सदस्यको पदमा किसन थारु, सानिया चालिसे, सुरेन्द्र पाठक, कृष्ण बहादुर लोनिया र अनुराधा कुमारी हरिजन निर्वाचित भएका छन्।

समानुपातिक तर्फ, नेविसंघले ५ जना सदस्य निर्वाचित गर्न सफल भएको छ भने अनेरास्ववियुले १४३ मत प्राप्त गर्दै २ जना सदस्य पाएको छ। अखिल क्रान्तिकारीले १७ मत ल्याएको छ।

निर्वाचनमा कुल ५५० जना विद्यार्थी थिए, जसमा ४६७ जनाले मतदानमा भाग लिएका थिए जसमा ४ मत बदर भएको थियो।

यस निर्वाचनमा अनेरास्ववियु र अखिल क्रान्तिकारीको बीच तालमेल थियो, जबकि नेविसंघ एकल प्रतिस्पर्धामा थियो।